बुटवल,माघ २२

लुम्बिनी प्रदेश सभाको हिउँदे अधिवेशन आगामी फागुन १८ गते शुक्रवार दिउँसो ३ बजे आह्वान गरिएको छ । यो दोस्रो प्रदेश सभाको तेस्रो प्रदेश अधिवेशन हो ।

संविधानको धारा १८३ को उपधारा १ र धारा १६६ को उपधारा २ अनुसार मन्त्रिपरिषद्को निर्णयसहित मुख्यमन्त्रीबाट प्रदेश प्रमुखलाई गरिएको सिफारिश अनुसार प्रदेश प्रमुख अमिक शेरचनले बैठक आह्वान गर्नुभएको हो । 
 
नेपालको संविधानको धारा १८३ को उपधारा १ बमोजिम २०८० फागुन १८ गते दिउँसो ३ बजे प्रदेश सभाको बैठक प्रदेश सभा भवन राप्ती उपत्यका देउखुरीमा गरी प्रदेश प्रमुख अमिक शेरचनले अधिवेशन आह्वान गर्नुभएको प्रदेश प्रमुखको कार्यालयका प्रवक्ता भूमिश्वर ढकालले बताउनुभयो ।